सुरु भएमको दुई वर्ष बित्न लाग्यो, काम आधा सकिएको छैन

राम योङ्हाङ
  गत वर्ष नै सक्ने भनिएको इलामको साँखेजुङ्ग स्थित नेपालटार उच्च माध्यमिक विद्यालयको बहुतले भवन दुई वर्ष बित्न लाग्दा समेत आधा काम सकिएको छैन । शान्ति तथा पुर्ननिर्माण मन्त्रालय मार्फत जिल्ला विकास समिति इलामले आर्थिक वर्ष २०६६÷६७ बाट निर्माण सुरु गरेको उक्त भवनको निर्माण गत चैत्र मसान्तमा नै सकिनुपर्ने भएपनि आधा पनि काम नभई बीचमै अलपत्र परेको हो ।
भवन निर्माणका लागि ३३ लाख रुपैयाँको टेण्डर परेको थियो । तर, टेण्डर परे अनुसारको रकम सकिएको भन्दै भवन निर्माणका लागि थप रकम चाहिने भएकाले निर्माणको काम अधि बढ्न नसकेको समाचार श्रोतले जनाएको छ । गत वर्ष नै भवन निर्माणको काम सकिनु पर्ने तर रकम अभाव भएकाले काम अघि बढाउन नसकेको भन्दै ठेकेदारहरु पन्छिने गरेको श्रोतको दाबी छ ।

भवन ३३ लाख रुपैँयाले सम्पन्न गरिसक्नुपर्ने भएपनि एक वर्षदेखि भवन अलपत्र अवस्थामा छ । के भएको हो, रकम सबै सकिया,े भवनको काम आधा भएको छैन । अब कस्ले र कहाँबाट रकम ल्याएर भवन निर्माण सम्पन्न गर्ने हो आफू नै अलमलमा परेको प्रधानाध्यापक रमेशकुमार बस्नेतले बताउनुभयो । स्टीमेट अनुसार निर्माण भईसक्दा सो तीनतले चार कोठाको हुनेछ ।

Posted in: समाचार