परदेशी कलाकार रमेश

नेपाली रंगमञ्चमा स्थापित हुने क्रममै बिदेशिएका रंगकर्मी रमेश खड्का आज भोली मुलुक संयुक्त अरव इमीरेष्ट मा रहेका नेपालीहरु मामm एक स्थापित हास्य कलाकार बन्न सफल भएका छन । यो सफलता पाउन खड्काले लामो संघर्ष गर्नुपरेको बताउँदै थप्छन् “ दिनभरि नोकरी गरेर रातभरि रियाज गरिन्थ्यो, ” कार्यक्रमको एक महिना अगाडि देखि उनी त्यसैमा घोत्लिन्थे।
बाल कलाकारको रुपमा रंगमञ्चको साथै पर्दामा अभिनय गरिसकेका खड्कालाई मित्र यतिराज चापागाईंको संगतले हाँस्य कलाकारको रुपमा अगाडि बडायो र आज दुवईमा रहेका नेपालीहरुमाझ एक मनोरञ्जनका साधक बनेका छन् खड्का ।
खड्काले दवईमा हने नेपाली कार्यक्रममा राष्टिय कलाकारहरु अरुणिमा लम्साल सँगै नाचेका छन् । सन्तोष पन्त, जितु नेपाल, शिवहरि पौडेल, किरण केसी, दीपाश्री निरौला सँगै प्रहसन गरेका पनि छन् । खड्काको प्रतिभालाई नेपाली समाज यु.ए.ई., यु.ए.ई. नेपाली दुतावास लगायतले प्रसंसा पत्र सहित पुरस्किृत गरिसकेका छन् ।
८ बर्षको उमेरमा दाई विक्रम फागोले पहिलो पटक नाटक “ सपना भित्रको अधरो माया” नाटकमा स्थानीय दिदी दर्गा पोखरेलसँग बोल्न लगाएको सम्वाद उनलाई धमिलो सम्झना छ । “ममी किन हाम्रो बाबाले जहिले पनि तपाइँलाई पिट्नु हुन्छ , नपिट्नु भन्नुन ”। उक्त सम्वाद बोल्न लगाउन फागोलाई हम्मे हम्मे परेको थियो रे । खड्काले ममी भन्दिन दिदी भन्छु भन्दा फागो हातमा चक्लेट देखाउँदै ममी भन्न लगाउँथे । फागोको त्यही प्रयासले आज खड्का यस क्षेत्रमा लागिरहेका छन् । त्यसपछि पनि नाटक के हो र म त्यसको कलाकार छु भन्ने थाहा नपाउँदै आधा दर्जन नाटकमा अभिनय गरिसकेका थिए, स्थानीय सगरमाथा नाट्य समूह मार्फत ।
काँचो मगज जब परिपक्व बन्दै गयो, रंगमञ्चबिनाको संसारको कल्पना गरेनन् खड्काले ।
उनको अभिनयले क्रमश इलाम, झापा, सुनसरी र धनकुटासम्म स्थान पायो । उनलाई ताजा सम्झना छ, उर्लावरीको एक समूह मार्फत सडक बालकको अभिनय गर्दा बोलेको सम्वाद “डाक्टर साहेब तपाईंले मेरो जीवन के दिनुहन्छ र ? हामी त माटोमा जन्मियौं, माटैमा बाँच्छौं अनि माटैमा एकमुठी सास विलिन गराउँछौं ।
“हरियो वन नेपालको धन” नाटक इलामको लारुम्वामा मञ्चन गर्दा तत्कालिन प्र.म. गिरिजाप्रसाद कोइराला मार्फत प्रसंशा पत्र सहित परष्कृत बनेका खड्काले अभिनय गरेको रेडियो नाटक “आँसुले मुछिएको भाइ टीका” पर्वाञ्चल स्तरीय प्रतियोगितामा प्रथम बनेको थियो, जुन अहिले पनि हरेक तिहारमा प्रसारण हुने खड्का बताउँछन् । साहित्य सिर्जना, पत्रकारीतामा समेत रुची राख्ने खड्का चाँडै ब्यंग्य प्रहशनको एल्वम् ल्याउने तयारीमा छन् । उजाड बस्ती टेली चलचित्रमा अभिनय गरिसकेका खड्काका केही प्रहसनहरु यु ट्युब मा समेत सार्वजनिक भइसकेका छन् ।
परदेशमा विचल्लीमा परेका नेपालीलाई सहयोग गर्न स्थापित पथरी युवा समाज दुवईका अध्यक्ष रहेका खड्का सयौं थुँगा साहित्य समाज लगायत आधा दर्जन संघ संस्थामा आबद्ध छन् ।

Posted in: मनोरन्जन