राम योङ्हाङ
स्थानीय शासन तथा सामुदायिक विकास कार्यक्रम (एलजीसीडीपी) अन्र्तगत सञ्चालन भईरहेको सामाजिक परिचालन कार्यक्रमको लागि इलामको इभाङ्ग ४ मा गठन गरिएको वडा नागरीक मञ्चले स्थानीय विद्यालयको प्रवेशद्वारमा श्रमदान गरेर सिँढी छापेको छ । समाज विकासका लागि नयाँ काम गरौँ भन्ने अभियान अन्र्तगत मञ्चले स्थानीय सरस्वती निम्न माध्यमिक विद्यालयको प्रवेशद्वारमा २१ मिटर लामो सिँढी श्रमदान गरेर छापेको हो । श्रमदान कार्यक्रममा मञ्चले स्थानीयको समेत सहभागिता जुटाएको थियो । सो कार्यक्रममा मञ्चका पदाधिकारी र स्थानीय समेत गरी ४० जनाको सहभागिता रहेको मञ्चका संयोजक अम्बिकाप्रसाद राईले जानकारी दिनुभएको छ ।
जिल्ला विकास समिति इलाम र मानव अधिकार मञ्च नेपाल इलामको साझेदारीमा इभाङ्गमा भईरहेकोे कार्यक्रम अन्र्तगत गठित मञ्चले इभाङ्गमा यस्ता विविध कार्यक्रमहरु गरिरहेको छ ।
0 comments:
Post a Comment