हरी कोईराला
विराटनगर, कुमारी अवस्थामा नै आमा वनेको पोल खुलेपछि समाजमा इज्जत जाने डरले विराटनगरमा एक युवतीले आत्महत्या गरेकीछिन ।
मोरङको वयरवन २ घर भै विराटनगरको गोल्डेन पार्क कलेजमा ल्यावअसिस्टेन्टमा अध्यनरत २२ वर्षीया पुष्पा दाहालले सोमवार राती आफ्नै सलको पासो लगाएर भुण्डिएर आत्महत्या गरेकी हुन ।
विराटनगर ५ विमानस्थल नजिकैको जामुनगाछी टोलमा सोमवार विहान एउटा नवजात शिशु वेवारिसे अवस्थामा फेला परेको थियो । कुनै कुमारी आमाले जन्माएर छोडेको आशंकामा गाउँलेले शिशु प्रहरीको जिम्मा लगाएका थिए । प्रहरीले शिशूलाई कोशी अञ्चल अस्पताल विराटनगरमा जिम्मा लगाएको थियो । सन्तान नभएका दम्पतीले जिल्ला प्रशासन कार्यालयको सहमतिमा बेवारिसे शिशु पालनपोषणका लागि लगेको एक दिन पछि शिशुकी आमाले आत्मा हत्या गरेकी हुन ।
विराटनगरमा जीवित शिशु भेटिएको हल्ला फैलिए पछि एक जना व्यक्तिले शिशु जन्माएर फाल्ने महिलाको बिषयमा किटानी जाहेरी दिएका थिए । किटानी जाहेरीका आधारमा प्रहरीले पुष्पालाई सोमवार अपरान्ह साढे ४ बजे जामुनगाछी बाट पक्राउ गरेको थियो ।
उनले गएको शुक्रवार राती कोशी अञ्चल अस्पतालको प्रसुति वार्डमा सुत्केरी गराएकी थिइन्् । कुमारी आमा भएकी पुष्पाले समाजमा इज्जत जाने डरले सुत्केरी भएको कसैलाई जानकारी गराएकी थिइनन् । आइतवार अस्पतालबाट डिस्चार्ज भएकी पुष्पा डेरामा एक्लै पुगेको सोही घरमा डेरागरी बस्ने मुगु घर भएका जयबहादुर भण्डारी बताए ।
विहान सोही गाउँमा बेवारिसे शिशु फेला परेपछि शंकाउपशंकाहरू हुनु स्वभाविक हो । किटानी जाहेरी परेपछि पक्राउ परेकी पुष्पालाई प्रहरीले अज्ञात व्यक्तिको रोहवरमा सोमवार साँझ छोडेको थियो ।स्थानीय वासिन्दाहरूका अनुसार साँझ साढे ७ बजेको समयमा पुष्पा आफ्नो डेरा पुगेकी थिइन । पुष्पा आफुले गरेको कमजोरी लुकाउदै इज्जत बचाउन खोज्दैछिन् । तर उनको वास्तविकता समाजमा छताछुल्ल भए पछि अन्तत पुष्पाले सोमवार राती नै आत्महत्या गरेको प्रहरीको अनुमान छ ।
पुष्पा पक्राउ परेपछि इटहरीमा बसोबास गर्दै आएका घरधनी राजेश बिमलीले उनको कोठामा अर्को ताल्चा लगाइदिएका थिए । साँझ डेरामा फर्केकी पुष्पाले सलको पासो लगाएर झुण्डिएर आत्महत्या गरेको प्रहरीले जनाएको छ ।
गाउँलेहरूले प्रहरीले पक्राउ गरेर परामर्श नदिएको र कसैको जिम्मा नलगाई छोडेका कारण पुष्पाले आत्महत्या गरेको आरोप लगाएका छन् । गाउँलेको भीडले मंगलवार अवेरसम्म प्रहरीलाई शव निकाल्न दिएनन् । इज्जत जोगाउन खोज्ने महिलाको मनोविज्ञान नबुझि प्रहरीले हेलचेक्र्याइ गरेकोले प्रहरीमाथि नै कारवाही हुनु पर्ने स्थानीय शिवप्रसाद पोखरेलले बताए । शिशु पुष्पाकै भएपनि जीवित भेटिएकोले उनको बिषयमा गोप्यरुपले अनुसंधान गरी परामर्श दिएको भए पुष्पाको ज्यान जाने अवस्था नरहेको स्थानीय वासिन्दाको भनाइ छ । प्रहरीको कमजोरीका कारण दुर्घटना भएको उनीहरूको दाबी छ ।
जिल्ला प्रहरी कार्यालय मोरङका प्रहरी निरीक्षक तथा महिला सेल प्रमुख सुमा कार्कीले सुत्केरी अवस्थामा शारिरिक अवस्था कमजोर भएका कारण पुष्पालाई सोधपुछ पछि रोहवरमा छोडेको बताईन । उनले जाहेरी परेपछि प्रहरीले जानकारी मात्र लिन खोजेको तर प्रहरीकै कारण घटना सार्वजनिक भने नभएको प्रतिक्रिया दिइन । लुकाइछिपाई सुत्केरी गराएका कारण त्यस्ता महिलाहरूको इज्जत जोगाउने बिषयमा प्रहरी सचेत हुँदाहँुदै पनि दुर्घटना भएकोमा प्रहरीसमेत दुःखित भएको निरीक्षक कार्कीले बताइन ।
विराटनगर, कुमारी अवस्थामा नै आमा वनेको पोल खुलेपछि समाजमा इज्जत जाने डरले विराटनगरमा एक युवतीले आत्महत्या गरेकीछिन ।
मोरङको वयरवन २ घर भै विराटनगरको गोल्डेन पार्क कलेजमा ल्यावअसिस्टेन्टमा अध्यनरत २२ वर्षीया पुष्पा दाहालले सोमवार राती आफ्नै सलको पासो लगाएर भुण्डिएर आत्महत्या गरेकी हुन ।
विराटनगर ५ विमानस्थल नजिकैको जामुनगाछी टोलमा सोमवार विहान एउटा नवजात शिशु वेवारिसे अवस्थामा फेला परेको थियो । कुनै कुमारी आमाले जन्माएर छोडेको आशंकामा गाउँलेले शिशु प्रहरीको जिम्मा लगाएका थिए । प्रहरीले शिशूलाई कोशी अञ्चल अस्पताल विराटनगरमा जिम्मा लगाएको थियो । सन्तान नभएका दम्पतीले जिल्ला प्रशासन कार्यालयको सहमतिमा बेवारिसे शिशु पालनपोषणका लागि लगेको एक दिन पछि शिशुकी आमाले आत्मा हत्या गरेकी हुन ।
विराटनगरमा जीवित शिशु भेटिएको हल्ला फैलिए पछि एक जना व्यक्तिले शिशु जन्माएर फाल्ने महिलाको बिषयमा किटानी जाहेरी दिएका थिए । किटानी जाहेरीका आधारमा प्रहरीले पुष्पालाई सोमवार अपरान्ह साढे ४ बजे जामुनगाछी बाट पक्राउ गरेको थियो ।
उनले गएको शुक्रवार राती कोशी अञ्चल अस्पतालको प्रसुति वार्डमा सुत्केरी गराएकी थिइन्् । कुमारी आमा भएकी पुष्पाले समाजमा इज्जत जाने डरले सुत्केरी भएको कसैलाई जानकारी गराएकी थिइनन् । आइतवार अस्पतालबाट डिस्चार्ज भएकी पुष्पा डेरामा एक्लै पुगेको सोही घरमा डेरागरी बस्ने मुगु घर भएका जयबहादुर भण्डारी बताए ।
विहान सोही गाउँमा बेवारिसे शिशु फेला परेपछि शंकाउपशंकाहरू हुनु स्वभाविक हो । किटानी जाहेरी परेपछि पक्राउ परेकी पुष्पालाई प्रहरीले अज्ञात व्यक्तिको रोहवरमा सोमवार साँझ छोडेको थियो ।स्थानीय वासिन्दाहरूका अनुसार साँझ साढे ७ बजेको समयमा पुष्पा आफ्नो डेरा पुगेकी थिइन । पुष्पा आफुले गरेको कमजोरी लुकाउदै इज्जत बचाउन खोज्दैछिन् । तर उनको वास्तविकता समाजमा छताछुल्ल भए पछि अन्तत पुष्पाले सोमवार राती नै आत्महत्या गरेको प्रहरीको अनुमान छ ।
पुष्पा पक्राउ परेपछि इटहरीमा बसोबास गर्दै आएका घरधनी राजेश बिमलीले उनको कोठामा अर्को ताल्चा लगाइदिएका थिए । साँझ डेरामा फर्केकी पुष्पाले सलको पासो लगाएर झुण्डिएर आत्महत्या गरेको प्रहरीले जनाएको छ ।
गाउँलेहरूले प्रहरीले पक्राउ गरेर परामर्श नदिएको र कसैको जिम्मा नलगाई छोडेका कारण पुष्पाले आत्महत्या गरेको आरोप लगाएका छन् । गाउँलेको भीडले मंगलवार अवेरसम्म प्रहरीलाई शव निकाल्न दिएनन् । इज्जत जोगाउन खोज्ने महिलाको मनोविज्ञान नबुझि प्रहरीले हेलचेक्र्याइ गरेकोले प्रहरीमाथि नै कारवाही हुनु पर्ने स्थानीय शिवप्रसाद पोखरेलले बताए । शिशु पुष्पाकै भएपनि जीवित भेटिएकोले उनको बिषयमा गोप्यरुपले अनुसंधान गरी परामर्श दिएको भए पुष्पाको ज्यान जाने अवस्था नरहेको स्थानीय वासिन्दाको भनाइ छ । प्रहरीको कमजोरीका कारण दुर्घटना भएको उनीहरूको दाबी छ ।
जिल्ला प्रहरी कार्यालय मोरङका प्रहरी निरीक्षक तथा महिला सेल प्रमुख सुमा कार्कीले सुत्केरी अवस्थामा शारिरिक अवस्था कमजोर भएका कारण पुष्पालाई सोधपुछ पछि रोहवरमा छोडेको बताईन । उनले जाहेरी परेपछि प्रहरीले जानकारी मात्र लिन खोजेको तर प्रहरीकै कारण घटना सार्वजनिक भने नभएको प्रतिक्रिया दिइन । लुकाइछिपाई सुत्केरी गराएका कारण त्यस्ता महिलाहरूको इज्जत जोगाउने बिषयमा प्रहरी सचेत हुँदाहँुदै पनि दुर्घटना भएकोमा प्रहरीसमेत दुःखित भएको निरीक्षक कार्कीले बताइन ।
0 comments:
Post a Comment