प्रेस चौतारी नेपालका अध्यक्ष गगन बिष्टले अभावका बीचबाट नेपालको पत्रकारीताले अपेक्षाकृत विकास गर्न नसक्ने बताउनुभएको छ । प्रेस चौतारी नेपाल मोरङको छैंठौं जिल्ला अधिवेशनको आज विराटनगरमा उद्घाटन गर्दै अध्यक्ष बिष्टले श्रमजिवि पत्रकार ऐन कार्यान्वयनमा नआएका कारण अभाव र दवावका भरमा पत्रकारीता चलिरहेको भन्दै अब त्यसरी पत्रकारीता नचल्ने बताउनुभएको हो । ठुला संचारगृहले अहिलेसम्म श्रमजिवि पत्रकार ऐन लागु नगरेको उहाँले बताउनुभयो । पत्रकारहरुको पेशागत सुरक्षाकालागि पनि अव ऐन कार्यान्वयन गर्नु जरुरी भएकोले संचारगृह संचालकहरुलाई श्रमजिवि ऐन कार्यन्वयन गर्न आग्रह गर्नुभयो । विज्ञापन नीति बन्न नसकेका कारण धेरै संचारमाध्यमहरु संकटकाबीचबाट गुज्रीरहेको अवस्थामा समानुपातीक विज्ञापन नीति ल्याउनुपर्नेमा उहाँले जोड दिनुभयो । राज्यले पत्रकारहरुको सुरक्षामा ध्यान नदिएको भन्दै उहाँले पत्रकारहरु सुरक्षीत नभएसम्म स्वतन्त्र पत्रकारीताको विकास हुन नसक्ने बताउनुभयो । स्वतन्त्र र व्यवसायीक पत्रकारीताको सुरक्षाकालागि पत्रकारहरु एकजुट भएर खवरदारी गर्नुपर्ने उहाँले बताउनुभयो । प्रेस चौतारीका केन्द्रीय उपाध्यक्ष प्रकाश खतिवडाले राजनीतिले पत्रकारहरलाई उपयोग मात्र गरेको बताउनुभयो । उहाँले अव पेशागत सुरक्षालाई मुख्य एजेण्डा बनाएर अघि बढ्नु पर्नेमा जोड दिनुभयो । कार्यक्रममा नेकपा एमालेका केन्दीय सदस्य राजेन्द्र गौतम मोरङका अध्यक्ष विनोद ढकाल, चौतारीका केन्द्रीय सदस्य डिल्ली पोखरेल, नेपाल पत्रकार महासंघ मोरङका उपाध्यक्ष रामचन्द्र अधिकारी, चौतारी सुनसरीका अध्यक्ष लीलाराज भट्टराई, क्रान्तिकारी पत्रकार संघ मोरङका संयोजक गणेश लम्साल र नेपाल प्रेस यूनियन मोरङका सभापति कुमोद अधिकारी लगायतले बोल्नुभयो ।
0 comments:
Post a Comment