मोतिराम अन्तिम चारमा

विराटनगर, युवा संघ नेपाल उपमहानगर कमिटि विराटनगरको
आयोजनामा प्रथम मदन स्मृति नकआउट फुटबल प्रतियोगिता २०६८ स्थानीय महेन्द्र
मोरङ क्याम्पसको खेल मैदानमा सम्पन्न खेलमा मोतिराम स्पोर्टिङ क्लब विजयी
भई अन्तिम चारमा प्रवेश गरेको छ । उसले सनिवार सम्पन्न खेलमा साइनो फुटबल
क्लबलाई ३–० को गोल अन्तरले पराजित गरेको छ ।
मोतिरामका स्पोर्टिङ क्लबका सन्तोष चौधरीले ह्याटिक सहित ३ गोल गरेका
थिए । चौधरी प्रतियोगिताको पहिलो ह्याटिक गरेका हुन् । खेलको म्यान अफ
द म्याच मोतिरामका सन्तोष चौधरी घोषित भएा छन् ।
फाल्गुन ११ गतेसम्म सञ्चालन हुने सो प्रतियोगितामा विराटनगर क्षेत्रका ८ वटा
टिमको सहभागीता रहेको छ । प्रथम हुने टिमले नगद २५ हजार, दोस्रो हुने
टिमले नगद १५ हजार र ट्रफि हात पार्ने छन् । अनुशासित टिम, हाइ स्कोरर
खेलाडि र उत्कृष्ठ खेलाडीलाई नगद जनही ५–५ हजार रुपैया र ट्रफि तथा प्रत्येक
खेलको म्यान अफ द म्याचलाई नगद ७ सय १ र ट्रफि दिइने छ । आइतवारको
अन्तिम क्वाटर फाइनल खेल सम्राट स्पोर्टिङ क्लब र मुनाल क्लबबीच हुनेछ ।

Posted in: खेल- समाचार